Prèambulu

Cunsidiratu ca lu ricanuscimentu di la dignità appartinenti a tutti li membri di la famigghia umana, li loru diritti, uguali e ncancillabili, forma lu funnamentu di la libirtà, di la juistizia e di la paci di lu mumu;

Cunsidiratu ca è ndispinsabili ca li diritti di l'omu sunnu prutetti di normi juridichi, siddu si voli evitari ca l'omu fussi custrittu a jiri, comu ultima risorsa, a la ribillioni contru la tirannia e l'opprissioni;

Cunsidiratu ca è ndispinsabili prumoviri lu sviluppu di li rapporti amichevoli tra li nazioni;

Cunsidiratu ca li popoli e li Nazioni Uniti riafffirmarunu nni lu Statutu la loru fidi nni li diritti funnamintali di l'omu, nni la dignità e nni lu valuri di la pirsuna umana, nni la uguaglianza di li diritti di l'omu e di la fimmina, e decideru di prumoviri lu prugressu suciali e un bonu tinuri di vita nta una maggiuri libirtà.

Cunsidiratu ca li stati membri si mpignaru a vuliri junciri, in cumunanza cu li Naziuni Uniti, lu rispettu e l'ossirvanza univirsali di li diritti di l'omu e di li libirtà fundamintali

Cunsidiratu ca una cuncezioni comuni di sti diritti e di sti libirtà è di la massima mpurtanza pi la rializzazioni di sti mpegni;

L'ASSIMBLEA GINIRALI PROCLAMA:

la prisenti Dichiarazioni Univirsali di li Diritti di l'Omu comu idiali comuni di raggiunciri di parti di tutti li populi e di tutti li Nazioni, finu a cuannu ogni omu e ogni organu di la sucietà, avennu custantementi prisenti sta Dichiarazioni, si sforzi di prumoviri, cu lu nsignamentu e l’educazioni, lu rispettu di sti diritti e di sti libirtà e di garantiri, pi mezzu di misuri prugrissivi di carattiri naziunali ed ntirnaziunali, l’univirsali e sicuru ricanuscimentu e rispettu tantu tra li populi di li stissi Stati membri, cuantu supra a chiddi di li tirritori suttaposti a la loru giurisdizioni.

art. 1:

Tutti l'essiri umani nascinu libiri e uguali pi dignità e diritti. Iddi sunnu dutati di ragiuni e di cuscenza e hannu agiri l’uni versu l’àutri in spiritu di fratillanza.

art. 2:

A ogni omu spettanu tutti i diritti e tutti li libirtà prununziati nni la prisenti Dichiarazioni, senza nudda distinzioni per ragiuni di razza, di culuri, di sessu, di lingua, di riligioni, di opinioni pulitica o di àutru generi di urigini naziunali, suciali, di ricchizza, di nascita, o di àutra cunnizioni. Nudda distinzioni è inoltri stabilita su la basi di lu statutu puliticu, juridicu o ntirnaziunali di lu paisi o di lu tirritoriu unni apparteni na pirsuna, sia ca tali tirritoriu sia ndipindenti o puru suttapostu ad amministrazioni fiduciaria o non autonumu, o suggettu a cualsiasi àutra limitazioni di suvranità.

art. 3:

Ogni omu havi dirittu a la vita, a li libirtà e a la sicurizza di la propria pirsuna.

art. 4:

Nessun omu po essiri tinutu schiavu o comu servu; la schiavitù o la tratta di li schiavi sunnu pruibiti nta cualunqui forma.

art. 5:

Nessun omu hava essiri misu sutta turtura o a trattamenti o a punizioni crudeli, inumani o umilianti.

art. 6:

Ogni omu havi dirittu, ovunqui, a lu ricanuscimentu di la pirsonalità juridica.

art. 7:

Tutti sunnu uguali di frunti a la liggi, e hannu dirittu, senza essiri discriminati, a na stissa tutela di frunti a la liggi. Tutti hannu dirittu a la stissa tutela contru ogni discriminazioni ca viula la prisenti dichiarazioni, comu contru qualsiasi ncitamentu a tali discriminazioni.

 art. 8:

Ogni omu ha dirittu ha na vera possibilità di ricorsu a cumpitenti tribunali contru atti ca viulanu li diritti funnamintali ad iddu ricanusciuti di la costituzioni o di la liggi.

art. 9:

Nessun omu po essiri abusivamenti carzaratu, trattinutu o esiliatu.

art. 10:

Ogni omu havi dirittu, nta lu stissu modu, a na onesta e pubblica udienza davanti a nu tribunali ndipindenti e mparziali, pi determinari li so’ diritti e li so’ duviri, comu puru, la funnamenta d’ogni accusa pinali chi ci veni addibitata.

art. 11:

Ogni omu accusatu di un riatu è prisuntu nnuccenti sinu a chi la so culpa non è stata pruvata legalmenti dintra a un pubblicu prucissu unni happi tutti li garanzii nicissari a la so difisa. Nuddu omu è cunnannatu pi un cumpurtamentu  tralassatu o ammucciatu ca, nta lu mumentu nni la cuali fu cummessu, non costituisci riatu sicunnu lu dirittu nternu o sicunnu lu dirittu ntirnaziunali.  Non si po mancu dari nudda pena supiriori a chidda ca si po applicari nta lu mumentu ca lu riatu fu cummessu.

art. 12:

Nessun omu po essiri suttapostu a ntrumissioni cu 'un sunnu autorizzati nni la so vita privata, nni la so famigghia, nni la so casa, nni la so corrispunnenza, né a lisioni di lu so unuri e di la so riputazioni. Ogni omu havi dirittu a essiri tutelatu di la liggi contru ogni ntrumissioni o lisioni.

art. 13:

Ogni omu havi dirittu a la libirtà di muvimentu e di risidenza dintra a li cunfini di ogni Statu. Ogni omu havi dirittu di lassari qualunqui paisi, puru lu propriu, e di riturnari nta lu propriu paisi.

art. 14:

Ogni omu havi dirittu di circari e di gudiri nta àutri paisi asilu di li pirsicuzioni. Stu dirittu non po èssiri pritesu nni lu casu ca l’omu è veramenti ricircatu pi riati pulitici o pi azioni cuntrari a li reguli e a li principi di li Nazioni Uniti.

art. 15:

Ogni omu havi dirittu a na citadinanza. Nuddu omu po essiri senza mutivu privatu di la so citadinanza, mancu di lu dirittu a canciari citadinanza.

art. 16:

Masculi e fimmini nni l’età giusta hannu lu lirittu di maritarisi e di criari na famigghia, senza nudda limitazioni di razza, di citadinanza o riligioni. Iddi hannu li stissi diritti versu lu matrimoniu, duranti lu matrimoniu e all’attu di lu sciugghimentu. Lu matrimoniu si po slijari sulu cu lu cunzenzu di li futuri coniugi. La famigghia è lu centru naturali e funnamintali di la sucietà e hava essiri prutetta di la società e di lu Statu.

art. 17: 

Ogni omu havi dirittu di aviri na pruprietà so pirsunali o in cumunanza cu àutri. Nuddu omu po privarlu abusivamenti di la so pruprietà.

art. 18:

Ogni omu havi dirittu a la libirtà di pinzeru, di cuscenza e di riligioni; stu dirittu cunteni puru la libirtà di canciari riligiuni e cridu, e la libirtà di manifistari, a sulu o in cumunanza, e sia tra li ctistiani ca nta lu so privatu, la propria riligioni o lu propriu cridu nni lu nsignamentu, nni li pratichi, nta lu cultu o nni la ussirvanza di li riti.

art. 19:

Ogni omu havi dirittu di opinioni e di sprissioni, puru lu dirittu a 'un essiri fastiddiatu pi la propria opinioni e chiddu di circari, riciviri e diffunniri nfurmazioni e idei attraversu ogni mezzu e senza nuddu riguardu a frunteri.

art. 20:

Ogni omu havi dirittu a la libirtà di riunioni e di assuciazioni pacifica. Nuddu po essiri custrettu a fari parti di un’associazioni.

art. 21:

Ogni omu havi dirittu di participari a lu guvernu di lu propriu paisi, sia direttamenti, sia attraversu rapprisintanti libiramenti sceltu. Ogni omu havi dirittu di trasiri nti na condizioni di uguaglianza a li pubblici mpieghi di lu propriu paisi.

La voluntà popolari è lu funnamentu di l’autorità di lu guvernu, tali vuluntà hava essiri manifistata attraversu periodici e veri elezioni, allèstuti a suffragiu univirsali e ugualmenti a votu sigretu, o sicunnu un prucidimentu chi offri a lu stissu modu la libira vutazioni.

art. 22:

Ogni omu, essennu membru di la società, havi dirittu a la sicurezza sociali, comu puru, a la rializzazioni, grazii a lu sforzu naziunali e la cullaburazioni ntirnaziunali e dintra a lu rapportu cu la organizzazioni e li risorsi di lu Statu, di li diritti economici, suciali e culturali ndispinsabili a la dignità e a lu libiru sviluppu di la so pirsunalità.

art. 23:

Ogni omu havi dirittu a lu travagghiu, a la libira scelta di lu mpeju, cu onesti e suddisfacenti cundizioni di travagghiu e a la prutizioni contru la disoccupazioni. Ogni omu, senza discriminazioni, havi dirittu a lu stissu cumpenzu pi uguali travagghiu. Ogni omu ca travagghia havi dirittu a una ricumpenza giusta e suddisfacenti ch’assicura a iddu stissu e a la so famigghia n’esistenza adatta a la dignità umana e aggiunta, sidd’è nicissariu, ad àutri mezzi di prutizioni sociali. Ognu omu havi dirittu a criari sindacati e di pigghiarini parti a difisa di li propri ntirissi.

art. 24:

Ogni omu haci dirittu a lu riposu e a lu svagu, cumprisi nt’iddu na ragiunevoli limitazioni di li uri di travagghiu e di ferie perìòdici ricumpinzati.

art. 25:

Ogni omu havi dirittu ad aviri un tenori di vita tali di garantiri lu binessiri propriu e chiddu di la so famigghia, cu riguardu particulari a la alimentazioni, a lu vistiariu, a l’abitazioni e a li curi medichi e a li sirvizi sociali nicissari, e havi dirittu a la sicurezza in casu di malatia, nvalidità, viduvanza, vicchiaia o in ogni àutru casu di perdita di li mezzi di sussistenza pi circustanzi ndipindenti di la so volontà. La matirnità e la carusanza hannu dirittu a spiciali curi e assistenza. Tutti li picciriddi, nati dintra a lu matrimoniu o fora d’iddu, hannu a gudiri di la stissa prutizioni sociali.

art. 26:

Ogni omu havi dirittu a la struzioni. La struzioni hàvi essiri gratuita almenu pi chiddu chi riguarda li classi elementari e funnamintali. La struzioni elementari hàvi essiri ubbligatoria. La struzioni tecnica e prufissiunali hàvi essiri misa a dispusizioni di tutti e la struzioni supiriuri hàvi essiri uguali e a la purtata di tutti supra a la basi di lu propriu meritu. La struzioni hàvi essiri ndirizzata a lu pirfettu sviluppu di la pirsunalità umana e a lu raffurzamentu di lu rispettu di li diritti di l’omu e di li libirtà funnamintali. Idda hàvi a purtari avanti la cumprinzioni, la tulliranza, l’amicizia tra tutti li Nazioni, li gruppi razziali e riligiosi, e hàvi favuriri l’opira di li Nazioni Uniti pi lu mantinimentu di la paci. I ginituri hannu dirittu di priorità nni la scelta di la struzioni di dari a li loru figghi.

art. 27:

Ogni omu havi dirittu di pigghiari parti libiramenti a la vita culturali di la cumunità , di gudiri di li arti, di gòdiri di li arti e di participari a lu prugressu scientificu e a li so’ binifici. Ogni omu havi dirittu a la prutizioni di li ntirissi murali e matiriali dirivanti di ogni pruduzioni scientifica, littiraria di cui iddu è auturi.

art. 28:

Ogni omu havi dirittu a un ordini sociali e ntirnaziunali nni lu cuali li diritti e la libirtà dichiarati nta sta Dichiarazioni pozzanu essiri rializzati.

art. 29:

Ogni omu havi dei duviri versu la comunità, nni la quali soltantu è possibili lu libiru e chinu sviluppu di la so pirsunalità. Nta lu esirciziu di li so’ diritti e di li so’ libirtà, ognunu hàvi essiri suttapostu a ddi limitazioni ca sunnu stabiliti di la liggi p’assicurari lu ricanuscimentu e lu rispettu di li diritti e di la libirtà di l’àutri e pi suddisfari li giusti esigenzi di la murali, di l’ordini pubblicu e di lu binessiri ginirali nta una società dimoscratica. Sti diritti e sti libirtà non ponnu nta nuddu casu essiri usati in contrastu cu li fini e li principi di li Nazioni Uniti.  

art. 30:

Nenti nta sta prisenti Dichiarazioni po èssiri nterpretatu nta lu sensu di mplicari un dirittu di qualsiasi Statu gruppu o pirsona di usari un’attività o di chiùmpiri un attu c’àvi pi scopu la distruzioni di li diritti e di li libertà nt’idda affirmati.

10 dicemmiru 1948